පිත, සෙම හා ලේ නිසා වූ නෙත් රෝග

සිද්දිගුරු, සිඳුඑනු, පොතුගිය මිරිස් කලද බැගින් ගෙණ මෙයිවා මඩෙක ලා සියඹලාකොළ යුස කලදයි කෝමාරිකා යුස දෙකලදයි, මැවකේ අරළු යුෂ දෙකලදයි, එලකිරි දෙකලදයි, මෙකිවා මඩෙක ලා සතියක්තබා තලතෙල් මදක් එක්කොට අඳුන් සේදූකල තම්බා කරඬුවක ලා ඇසලනු රත්ඉදිමුත් නැතිවේ.

වැල්මී, සඳුන්, ලොත්සුඹුළු, රත්වන් ගුරු, මෙකී දේ අඹරා එළු කිරෙන් කකාර ඇස පුරවනු. ඇසේ පහරණ දැඩිවූ රූජාව නැතිවේ.

වැල්මී, හෙළපිදුම් ලෙලි, කසා, මෙ කී බෙහෙත් දියෙහි ලා සතරබාගයක් ගෙණ මීහා සීනි එක්කොට ඒ කසාය ඇසපුරවනු පිත්රෝග නාසයි,

එළු සඳුන්, කොසඹ කොළ, වැල්මී, එත්සාල්, සව්ක්දව එනු, මෙකී දේ අඹරා සීනි මී හා සමග ඇස පුරවනු පිතිත්වූ ඇස් රෝගය නාසයි.

වෙනිවැල් කලන් දෙක බැගින් ගෙණ දියෙන් අඹරා ඇස පුරවනු සෙමෙන් උපන් නෙත්රෝග නසයි.

කොසොඹකොල වරාකොළින් අකුලා උනඅළුයෙන් තම්බා යුස ගෙණ ලොත්සුඹුළු සතර කලදක් ගෙණ අඹරා ඇස පුරවනු සෙමෙන් උපන් නෙත්රෝග නසයි.

ලොත්සුඹුළු, නිපල්, වැල්මී, සීනි, දෙවුදුරු, වම්මුතු, මේකීවා දියෙන් අඹරා සීනි සමග පෙරා ඇස පුරවනු. ලෙයෙන් උපන් අක්‍ෂිරෝග නසයි.

ලොත්සුඹුළු, වැල්මී, වෙනිවැල්, මනෝසිල, අජනකැට [?], මේකී දේ අඹරා එළුකිරෙන් හෝ වෙනිවැල් කසායෙන් හෝ මී සමග එක්කර ඇස පුරවනු. සියලු ඇස්රෝග නසයි.

ගිරියල්, වෙනිවැල්, වදකසා, මෙකී දේ තලාකොළ යුසින් අඹරා ගුලිකොට පවනේ වියලා එම යුසින් ඇස ලනු කබ නැතිවේ